«САХАЛЫЫ ДЬЫКТААН-2026»

Төлөй нэһилиэгэр XII-с төгүлүн ыытыллар Өрөспүүбүлүкэтээҕи «Сахалыы дьыктаан» аахсыйаҕа 14 кыттааччы суруйда.

Сыала: сахалыы уус-уран тылы уонна саха тылын таба суруйуу быраабылаларын олоҕурдууну өйөөһүн.

Соруктара:

саха тылын суолтатын үрдэтии;
саха тылын чөл хаалларарга уонна сайыннарарга туһаайыллыбыт тэрээһиннэри ыытыыга кыттыһыы;
сахалыы таба уонна сөпкө суруйуу үөрүйэхтэрин иҥэрии, ону тэҥэ сурук бэлиэлэрин уонна таба суруйуу быраабылаларын сурукка туһанар дьоҕурдары быһаарыы;
төрөөбүт норуокка патриотизм, таптал уонна убаастабыл санааларын, норуот төрүт үгэстэригэр, тылыгар харыстабыллаахтык сыһыаннаһыыны иитии;

Быйылгы дьыктаан Суорун Омоллоон «Чүөчээски» кэпсээниттэн суруйуу буолла.

БАСТЫҤТАН БАСТЫҤ СУРУКСУТ — Потапова Дария Михайловна, Говоров Виталий Иванович.

БАСТЫҤ СУРУКСУТ — Гуляева Наталья Егоровна, Хоютанова Саргылана Николаевна.

ҮЧҮГЭЙ СУРУКСУТ — Дьячковская Марианна Октябриновна, Седалищева Марфа Дмитриевна, Иванов Алексей Васильевич.