Библиотека нового поколения АЙ — ТАЛ

Төлөй нэһилиэгэр кулун тутар 10 күнүгэр «Ыал саргыта» улуус пилотнай бырайыагын чэрчитинэн «Ааҕар саха сайдам ыала»күрэх аһыллыыта ыытылынна. Күрэх дьиэ кэргэнинэн ааҕыыны сайыннарыыга, өйөөһүҥҥэ, көҕүлээһиҥҥэ уонна бибилэтиэкэлэр бу хайысхаҕа үлэлэрин күүһүрдүүгэ, атын тэрилтэлэри киэҥник кытыннарыыга ананан ыытыллар. Күрэх ыалы ааҕыыга сыһыарыыга уонна нэһилиэнньэ ортотугар ааҕар култуураны иитиигэ үөрэтэр.

Бу күрэххэ уопсайа 6 дьиэ кэргэн кыттан, бэйэлэрин билиилэрин тургутан көрдүлэр. Барыта 6 түһүмэхтээх өй күрэҕэ буолла. Күрэх түмүгүнэн 1 миэстэни Екатерина, Дайаана Кузьминалар, 2 миэстэни Александра, Өркөн Максимовтар, 3 миэстэни Сайыына, Семен Захаровтар дьиэ кэргэн ыллылар. Дьүүллүүр сүбэҕэ А.С.Бродников аатынан «Аартык» Надь дириэктэрэ Максим Викторович Смирников уонна уус уран салайааччыта Айтал Соловьев үлэлээтилэр. Бары кыттыбыт дьиэ кэргэттэргэ махтанабыт, өссө да көхтөөх кыттыыны ыларгытыгар баҕарабыт!