Саха Республикатын күнүн көрсө, муус устар 26 күнүгэр, Төлөй орто оскуолатын 2-8 кылаастарыгар билиилэрин тургутар викторина ыытылынна. Боппуруостар Төлөй нэһилиэгин, Чурапчы улууһун уонна Республика төрүттэниилэрин тула буолла. Викторина кэмигэр оҕолор аҕыйах ыарырҕаппыт боппуруостарын сиһилии ырытыллан, историяттан сырдатыллан билиилэрин хаҥаттылар. Викторина түмүгүнэн кыайыылаахтар VR-ачыкыга оонньоотулар.
Муус устар 18 күнүгэр Төлөйдөөҕү «i-тал» саҥа көлүөнэ библиотекатыгар Амма улууһун центральнай библиотекатын методистара, Чапчылҕан, Абаҕа, Болугур, Чакыр, Соморсун, Эмис, Сэргэ бэс, Наахара, Покровка, Сулҕаччы, Сатаҕай нэһилиэктэрин библиотекарьдара кылаабынай методист Юлия Максимовна салайааччылаах кэлэн ыалдьыттаан бардылар. Ыалдьыттары баһылык Игорь Владимирович Николаев салалталаах нэһилиэк дьаһалтатын улэһиттэрэ салаамааттаах алаадьынан айах тутан көрүстүлэр. Төлөй нэһилиэгин олоҕун-дьаһаҕын, «Аартык» норуот […]