Библиотека нового поколения IT — ТАЛ

Сэтинньи ый 28 күнүгэр Төлөйбүт нэһилиэгэр саҥа кинигэ сүрэхтэннэ. Бу кинигэҕэ Чурапчы оройуонун Төлөй-Дириҥ олохтооҕо Аҕа дойду улуу сэриитин бэтэрээнэ Егор Васильевич Петров  1960-1980сс. Колхоска, совхозка үлэлээн ааспыт кэмнэрин, бииргэ алтыһан үтүмэннээх үлэни кыайа туппут доҕотторун тустарынан биир дойдулаахтарын, аймахтарын, дьонун сэргэтин ахтыылара киирдилэр.

Кинигэ бастакы илииһигэр, титульнай илиискэ, кинигэ аата, ким хомуйан таһаарбыта, хаһан, ханна бэчээттэнэн тахсыбыта сурулла сылдьар. «Офсет» типографияҕа таҥыллан 105 ахсаанынан бэчээттэнэн таҕыста.

II түһүмэхтэн турар, 108 страницалаах сахалыы тылынан тахсыбыт. Аныгылыы тупсаҕай хаачыстыбалаах оҥоһуулаах кинигэ буолбут. Кинигэни хомуйан, таҥан оҥордулар улахан уола Дмитрий Егорович Петров, кийиитэ Анна Ильинична  Петрова, Сиэн кыыһа Оксана Дмитриевна Игнатьева уонна  бииргэ төрөөбүт балтыта Тамара Егоровна Малышева.

Егор Васильевич Петров чугас дьоно кэлэн, кинигэни ис туругун туорумнаһан, ырытан, уруккуну-хойуккуну санаан, ыллаан-туойан олус истиҥ киэһэ ааспыта.