Олунньу 14 күнүгэр Төлөй нэһилиэгэр IV төгүлүн ыытыллар Өрөспүүбүлүкэтээҕи «Тыл – омук тыына» форум буолан ааста.
- 16/02/2023
- 133
- нет
Сыала: Төлөй нэһилиэгин тэрилтэлэрэ, эдэр ыаллара, аҕа саастаах дьоно, куруһуок салайааччылара, уус, иистэнньэҥ дьоно мустан санаа атастаһыы. Өбүгэ үгэһин, сиэрин – туомун сайыннарыы, уопут үллэстии. Дьиэ кэргэҥҥэ сахалыы эйгэни тэрийии.
Кыттыыны ылла Чурапчытааҕы библиотечнай ситим дириэктэрэ, » Барҕарыы» фонда стипендиата, Саха Өрөспүүбүлүкэтин культуратын үтүөлээх үлэһитэ — Вера Аполлоновна Платонова.
I Түһүлгэ.
10:00-11:00ч – Төлөйдөөҕү «Кустук» уһуйааҥҥа саха өбүгэбит остуол оонньуутугар : «ХАБЫЛЫК, ХААМЫСКА – саха төрүт оонньуута» маастар кылаас.
“Эйэҕэс эбэ үөрэҕэ” уһуйаан оҕолорун эйэҕэс эбэлэрин кытта көрсүһүү , сахалыы тыыннаах куруһуоктары көрдөрүү буолан ааста.
II Түһүлгэ.
11:00-12:30 ч – Оскуолаҕа сахалыы эйгэни тэрийии.
Кинигэ быыстапката, алгыс , экскурсия, “Олоҥхо дьоруойдара” — уруһуй быыстапката, дорҕоонноохтук ааҕыы, оһуохай буолла.
III Түһүлгэ.
14:00ч. А.С. Бродников аатынан Төлөйдөөҕү «Аартык» норуот айымньытын дьиэтигэр «Дьиэ кэргэҥҥэ оҕону сахалыы иитии» тиэмэ тула төгүрүк остуол буолла.
Кыттыыны ыллылар :
- «Дьиэ кэргэнҥэ оҕону иитии” Төлөй нэһилиэгин элбэх оҕолоох эдэр дьиэ кэргэнэ Александр Федосеевич , Александра Михайловна Максимовтар бэйэлэрин уопуттарыттан кэпсээтилэр.
- Сайылыктааһын , сайылыкка оҕону үлэҕэ иитии тиэмэтигэр кэпсээтэ элбэх сиэн эбээтэ Смирникова Матрена Николаевна.
- Саха иһитэ, туой иһит тиэмэҕэ кэпсээтэ куруһуок салайааччыта Гуляева Наталья Егоровна
- Саха тылын төһө билэҕин? Ыытта Төлөйдөөҕү библиотека исписийэлииһэ Семенова Христина Степановна.
Комментарий читателей статьи "Олунньу 14 күнүгэр Төлөй нэһилиэгэр IV төгүлүн ыытыллар Өрөспүүбүлүкэтээҕи «Тыл – омук тыына» форум буолан ааста."